Чацвер - дзень роднай мовы

АДЗІНЫ ДЗЕНЬ БЕЛАРУСКАГА МАЎЛЕННЯ

 “Не пакідайце ж мовы нашай беларускай, каб не ўмёрлі” – пісаў яшчэ ў ХІХ стагоддзі класік беларускай літаратуры Францішак Багушэвіч. На жаль, актуальным гэты заклік застаецца і для нас, беларусаў ХХІ стагоддзя.

Таму ў 2016-2017 навучальным годзе кожны чацвер будзе адзіным днём беларускага маўлення. У гэты дзень у нашай школе будуць праводзіцца разнастайныя гульні, конкурсы і віктарыны, накіраваныя на папулярызацыю беларускай мовы.

 

Урок мужнасці

На тое, каб пісаць пра вайну,
Патрэбны былі смеласць і мужнасць
В.Быкаў

 Сёння, у адзіны дзень беларускага маўлення, у нашу школу завітаў прадстаўнік Таварыства беларускай мовы імя Ф.Скарыны ў Магілёве, Алег Уладзіміравіч Дзьячкоў, які прыняў ўдзел ва ўроку мужнасці “Талент суровы і добры. В.Быкаў “Альпійская балада”. Алег Уладзіміравіч расказаў сямікласнікам пра сваіх любімых паэтаў і пісьменнікаў, пра любімыя творы Васіля Быкава і пра пісьменікаў і паэтаў нашага горада.

Вучні выказалі свае думкі пра тое, якім павінен быць сапраўдны чалавек, якія рысы трэба мець пісьменніку, каб расказаць пра ўсю жудасць вайны: пра смерць родных і незнаёмых людзей, пра боль страты, пра цяжкія раны і раненні, пра ахвяр лагераў смерці, пра дзетак ваеннага часу. Алегу Уладзіміравічу было цікава паслухаць меркаванні вучняў пра тыя рысы, якія дапамаглі героям аповесці Быкава ісці наперад, змагацца з абставінамі і застацца вернымі свайму каханню да канца.

17.01.2019г.
Настаўнік беларускай мовы і літаратуры Прасаловіч Н.Л.

Займальныя руховыя хвiлiнкi на перапынку

Народныя беларускія гульні з даўніх часоў былі не проста забавай, але і сродкам выхавання. Беларускія народныя гульні амаль усе рухавыя. Без ніх не абыходзілася ні адно свята. Яны развіваюць спрыт, настойлівасць, хуткасць. Iх перадаваліся з пакаленняў у пакаленні, назапашваючы лепшыя нацыянальныя традыцыі. Акрамя фізічных навыкаў, народныя гульні спрыяюць развіццю памяці, маўлення, пашырэнню слоўнікава запасу; выхоўваюць пачуццё павагі да традыцый беларусаў, цікавасці да культуры свайго народа і яго гісторыі.

І ў пачатковай школе ў чацвер дзеці выконвалі рухавую размінку і гулялі ў беларускія народныя гульні. Асабліва спадабаліся вучням такія гульні як "Грушка", "Адгадай, чый галасок", "Вартаўнік", "Вяроўка-змейка", "Мядзведзь у бары", "Чалнок", "Паляванне на лісаў".

На жаль любімыя гульні нашых бабуль і дзядуль паступова знікаюць. І наша задача  - не згубіць шматвекавую гісторыю беларускіх народных гульняў, захаваць гэтую нацыянальную традыцыю нашых продкаў.

Руководитель МО учителей начальных классов   А.А.Красновская

З Новым годам, любы горад

Адзіны дзень беларускага маўлення ў нашай школе 10.01.2019 г. чарговы раз захапіў усіх жаданнем ствараць і быць творцамі. Вучні сёмых класаў прынялі ўдзел у конкурсе праектаў “З Новым годам, любы горад”. Перад удзельнікамі стаяла задача стварыць навагоднія паштоўкі з пажаданнямі роднаму гораду і дзеці цудоўна справіліся з яе вырашэннем. Стаць квітнеючым горадам-садам, стаць горадам са шклу і металу, але з паркамі і скверамі, стаць горадам з вялізнай колькасцю бібліятэк і музеяў – усе гэтыя пажаданні мелі непаўторны аўтарскі выгляд і форму.

Вучні дзявятых класаў таксама вырашалі творчую задачу: яны ўдзельнічалі ў літаратурным вернісажы і малявалі словамі партрэты герояў аповесці Я. Коласа “У палескай глушы”. Дзевяцікласнікі з задавальненнем супастаўлялі жыццёвыя пазіцыі сваіх герояў, вылучалі асноўныя рысы характару і апісвалі, як яны сабе ўяўлялі персанажаў і нават параўновалі іх героямі сучасных мультфільмаў і фільмаў.

Настаўнік беларускай мовы і літаратуры Н.Л. Прасаловіч