Чацвер - дзень роднай мовы

АДЗІНЫ ДЗЕНЬ БЕЛАРУСКАГА МАЎЛЕННЯ

 “Не пакідайце ж мовы нашай беларускай, каб не ўмёрлі” – пісаў яшчэ ў ХІХ стагоддзі класік беларускай літаратуры Францішак Багушэвіч. На жаль, актуальным гэты заклік застаецца і для нас, беларусаў ХХІ стагоддзя.

Таму ў 2016-2017 навучальным годзе кожны чацвер будзе адзіным днём беларускага маўлення. У гэты дзень у нашай школе будуць праводзіцца разнастайныя гульні, конкурсы і віктарыны, накіраваныя на папулярызацыю беларускай мовы.

 

Вялікая Айчынная вайна ў партрэтах

30 кастрычніка першы ўрок у нашай дзяржаўнай установе пачаўся з міні-віктарыны. На гэты раз вучні адказалі на пытанні віктарыны “Беларусь – краіна, якой ганарымся”.

Для вучняў дзясятага класа прайшоў конкурс-прэзентацыя “Вялікая Айчынная вайна ў партрэтах”, у час правядзення якога вучні прэзентавалі творы, прысвечаныя ВАВ. Слушна даказвалі свае кропкі погляду на конт выбару сваіх герояў. Дзесяцікласнікі праявілі шмат творчасці і эрудыцыі, каб упэўніць сваіх аднакласнікаў прачытаць кнігу, героем якой з’ўляецца выбраная асоба.

Пяцікласнікі на гэтым тыдні паспрабавалі свае здольнасці ў складанні загадак. Вучні 5”В” класа зрабілі ўласныя зборнікі і вельмі цікава і крэатыўна іх прэзентавалі.           

Настаўнік беларускай мовы і літаратуры Прасаловіч Н.Л.

Анімаёўка 2019

Вучні 5 “А” і 5 “Г” класа наведалі кінатэатр “Радзіма”, дзе праходіла адкрыццё “Анімаёўкі”. Навучэнцам расказалі, як ствараюцца мультфільмы. Пазнаёмілі з рэжысёрамі і пастаноўшчыкамі гэтых фільмаў. Паказалі цікавы фільм для дзяцей, які называўся “Сярэбраныя чаравічкі”. Дзецям вельмі спадабалася адкрыццё Анімаёўкі.

А калі вучні выйшлі з кінатэатра у іх узялі інтэрв’ю з тэлеканала Магілёў-4 і ўвечары паказалі па тэлебачанні.

Класны кіраўнік 5 “Г” класа Грахольская С.А.

Чытаем разам, дружа

17 кастрычніка у чарговы раз першы ўрок у нашай дзяржаўнай установе пачаўся з міні-віктарыны. На гэты раз вучні адказалі на пытанні віктарыны “Беларусь – мая краіна”.

Для вучняў дзясятага класа прайшоў конкурс-прэзентацыя “Чатаем разам, дружа”, які прымусіў усіх працаваць у поўную сілу. Маса цудоўных ідэй знайшла тут адбітак: калажы, замалёўкі, ілюстрацыі, заданні з тлумачэннем і без яго і шмат чаго іншага. Дзесяцікласнікі праявілі максімум фантазіі і крэатыву, каб упэўніць сваіх аднакласнікаў прачытаць кнігу, якую яны абралі для сваёй рэкламы.

            Настаўнікі беларускай мовы і літаратуры Прасаловіч Н.Л., Грахольская С.А.

Гучы, роднае слова

10 кастрычніка ў 4 «А» класе прайшоў вусны часопiс «Гучы, роднае слова». На мерапрыемстве вучнi з задавальненнем спявалi беларускiя песнi, гулялi ў перакладчыкаў, у беларускiя народныя гульнi, чыталi вершы беларускiх паэтаў Я.Купалы i Я.Коласа, танцавалі. Занятак вельмi спадабаўся вучням. Такiя мерапрыемствы на карысць дзецям,  фармiруюць цiкавасць і павагу да роднага слова.

 

 Руководитель МО учителей начальной школы А.А.Красновская

Старое кіно па-новаму

3 кастрычніка адзіны дзень беларускага маўлення ў чарговы раз прайшоў у нашай дзяржаўнай установе і прынёс шмат станоўчых эмоцый.

На першым уроку вучням 2-11 класаў была прапанавана віктарына “Беларусам я завуся, родным краем ганаруся!”.

Конкурс міні-праектаў “Старое кіно па-новаму” прапанаваў дзесяцікласнікам прайсці выпрабаванне ў якасці рэжысёраў: падабраць сучасных акцёраў, выбраць месца і час для здымак свайго фільма па п’есе Кандрата Крапівы “Хто смяецца апошнім”.  

      Настаўнікі беларускай мовы і літаратуры Прасаловіч Н.Л., Грахольская С.А.